دورة صيانة الكمبيوتر الجزء الاول / الجزء الاول (مبتدئين)

View previous topic View next topic Go down

دورة صيانة الكمبيوتر الجزء الاول / الجزء الاول (مبتدئين)

Post by evergreen on Thu Jul 08, 2010 1:58 am

السلام عليكم ورحمة الله وبركاتة
النهاردة هنبدأ اول درس مع بعض من صيانة الكمبيوتر
فضلت اول درس يكون للمبتدئين خالص
وطبعا هنبدأ هارد وير عشان الهاريد وير هو الاساس
هنبدأ مع بعض النهاردة


1- ازاى نشتري كمبيوتر
أنواع أجهزة الكمبيوتر بشكل أساسي تكون تبعا لنوع المعالج الموجود فمثلا أفضل الموجود فالأفضل هو
بنتيوم 4
ويوجد بنتيوم 3
وبنتيوم تو
لكن كما اظن ان اقل شئ موجود بالسوق الان هو الـ بنتيوم فور
وايضا افضل نوع هو Intel نوع معالج
ولابد من ان نشتري معالج سريع لأعلى اداء للكمبيوتر
صورة 1 (معالج) (بروسيسور)


والمعالج بيكون فوقة مروحة والمروحة بتكون للتبريد وافضل نوع للتبريد هو ان يكون القلب نحاس
صورة 2 (مروحة بروسيسور نحاس)


ومننساش ان فى جميع الاجهزة الحديثة ومع حرارة الاجواء لابد من وضع كولنت بمعنى اوضح هو (شحم تبريد)
وهى مادة بيضاء توضع بين المروحة والبروسيسور وتساعد على التبريد ايضا
كدة اشترينا البروسيسور وهو اهم قطعة فى الجهاز

واحد يقولى طيب اشترينا البروسيسور هيركب فين....فى الشاشة

هقولة متتعصبش علينا واسمع للاخر
البروسيسور بيتركب فى المازر بورد والمازر بورد بيبقى شكلها كدة وهى متركب فيها البروسيسور
صورة 3 مازر بورد

ولا بد من شراء نوع كويس من اللوحة الام مثل
جيجا بايت

طيب كدة اشترينا البروسيسور والمازر بورد نشغل الكمبيوتر بقى

هقول لاء مش هنشغل دلوقتى
لية يا عم
بسبب ان لسة فاضل حاجات كتير
مثل كرت الصوت وغالبا يأتى داخل المازر بورد
طيب وكرت الشاشة
هقول برضو بيجى مع المازر بورد بس بيكون الاداء مش كويس
واقل مساحة كرت شاشة نشتريها الان هى 512 والافضل 1 جيجا
ودة بسبب ان الالعاب وحتى التصميمات على السينما او الماكس تحتاج كرت شاشة عالى (اذا كان التصميم كبير)
طيب شكلو ايه كرت الشاشة دة
دة شكلة

صورة 4 كرت شاشة


iاخيرا جمعت الكمبيوتر نشغلة بقى
يا عم قلتلك اسمع للاخر
كدة الكمبيوتر عمرة ما هيشتغل
لية
عشان لسة فاضل حاجات كتير
اولها الرامات
الرامات هى اكتر حاجة تدى اداء عالى للكمبيوتر
ويوجد منها 1 جيجا 2 جيجا
ولأفضل اداء يتم تركيب اتنين مع بعض او ثلاثة بحيث تدى اداء 4 جيجا
لكن احزر لو عندك ويندوز اكس بى 32 بيت سوف تقرأ ثلاثة فقط
يجب ان تصطب فيستا من اجل الـ 4
اوك عرفنا اروح اقولة عايز رامات 2 جيجا
شكلها ايه طيب عشان اعرفها
هقول دة شكلها

صورة 5 رامات


اشترينا الرامات
فاضل اهم حاجتين بقى
هى
الهارد والسى دى روم

الهارد يجب شراء واحد ذو مساحة عالية
300 جيجا او 180 حسب فلوسك
وايضا خلى بالك دلوقتى تقريبا معظم التوصيلات تبقى ساتا
ايه الساتا دة
هو كابل غير كابل الداتا القديم ويتم توصيلة للهارد ويجب ان تكون المازربورد متوفر فيها ساتا

صورة 6 كابل ساتا


نيجى بقى على الـ سى دى روم
نشتري نوع حلو عشان زى سامسونج مثلا
وهو جميل جدا عن تجربة شخصية
ويجب ان يتوفر فيه الدى فى دى قراءة / كتابة

كدة اشترينا كل حاجة

اوبس ايه يا عم انت نسيت حاجة مهمة اوى اوى الباور سبلاى بتاع توزيع الكهربا للكمبيوتر
هقول لاء الباور سبلاى غالبا بيجى مع الكيس case

اوك كدة اشترينا الكمبيوتر

دة كان شرح سريع للمبتدئين بحيث يعرفو مكونات الكمبيوتر
ان شاء الله الجزء التانى للموضوع دة
هيكون طبعا اكتر من كدة بكتير
واوسع من كدة
هيتناول مهام كل جزء فى الكمبيوتر وبيعمل ايه وطريقة تركيبة
وان شاء الله الجزء التانى هيكون للجميع مش للمبتدئين


Last edited by evergreen on Thu Jul 08, 2010 2:08 am; edited 1 time in total
avatar
evergreen

الجنس : Female

عدد المساهمات : 1585
النقاط : 35764
التقييم : 34
تاريخ التسجيل : 2010-02-03

View user profile http://3loomi.4ulike.com

Back to top Go down

Re: دورة صيانة الكمبيوتر الجزء الاول / الجزء الاول (مبتدئين)

Post by evergreen on Thu Jul 08, 2010 2:02 am

السلام عليكم ورحمة الله وبركاتة كنا قد ابتدينا مع بعض الجزء الأول / الجزء الاول من دورة صيانة الكمبيوتر
وكان باب تمهيد سريع للمبتدئين
اليوم هنشوف مع بعض ازاى هنركب الحاجات اللى قلناها فى الموضوع الماضي
لمشاهدة الموضوع اضغط هنا


اليوم المعالج ايه هو وما الفائدة منه

نقدر نقول هو عقل الحاسوب، يستقبل الاوامر اللى احنا نعملها ويدينا نتائجها فى الحال وكل دة بيتم فى جزء من الثانية
طبعا النتائج دى على شكل معلومات نستفيد منها ، من الناحية المعروفة او
المبسطة هو قطعة مربعة الشكل وخفيفة الوزن بيخرج منأسفلها عدد من الابر
(pins) الابر دى بقى هى المسئولة عن كل حاجة يعنى هى اللى بتوصل الاوامر
للوحة الام عشان تعطينا النتائج يعنى الموصل ، يتكون في الاصل من ملايين
الترانزستورات المجموعة في شريحة صغيرة جدا من السليكون ، وهذه الشريحة
تثبت من المصنع المصنّع للمعالج على غلاف المعالج (القطعة المربعة ) او
داخلها وذلك لايصالها بالابر التي تكون أسفل غلاف المعالج


طيب ايه الكلام الكبير دة احنا مفهمنهاوش اوى
هقول عشان نفهمة لازم عملى
عملي عملي ازاى يعنى هو استهبال


لا لا مش استهبال ولا حاجة عملى هنا يعنى هنشوف مع بعض فيديو ازاى نركب البروسيسور ازاى
للأسف الفيديو باللغة الانجليزية واعتذر لان دة اوضح واكتر فيديو واضح لاقيتة يعنى ممكن لا تحتاج من الكلام
الفيديو من شركة ايه أم دى المعتمدة والمعروفة لنا جميعا

نصائح وترجمات مهمة جاءت فى الفيديو (مبسط)

1- قطع الكمبيوتر البروسيسور او المازر بورد من الممكن جدا تُدمر تعطل بسبب الشحنات الكهربائية العالية ESD

2- الاجزاء حساسة جدا للكهرباء العالية ومن السهل ان تتعطل

3- نمسك (مربع البروسيسور ) من الحواف بالإصبعين ولا نمسكة ابدا ابدا من المنتصف او الإبر التى شرحناها فى الاعلى

4- قبل وضع البروسيسور يجب رفع الذراع المسئول عن ثبات البروسيسور

5- فى المعالج او البروسيسور هتلافى فى كورنر (زاوية ) منه علامة بيضا او
علامة مثل (خطوط الموبيل) وفى مكان التركيب ستجد علامة مماثلة فيجب مماثلة
العلامة فى البروسيسور مع العلامة فى مكان التركيب

6-نضع البروسيسور برفق فى مكانة

7- لا تستخدم ابدا ابدا القوة فى دفع البروسيسور فى مكانة بالعامية متركبش البروسيسور بالعافية برفق وبراحة

8- لو البروسيسور متركب صح هينزل فى مكانة مظبوط لو مش متركب صح مش هينزل فى مكانة للاخر

9- بعد تركيب البروسيسور يجب تنزيل ذراع تثبيت البروسيور


كدة ركبنا البروسيسور بس زى ما قلنا فى الموضوع اللى فات البروسيسور بيبقى فوقية مروحة

10- لا تشغل الجهاز او الكهرباء ابدا ابدا فى جميع الاحوال دون وضع المروحة اعلى البروسيسور
إذا تم تشغيل الجهاز والمروحة ليست موضوعة فى مكانة سيسخن البروسيسور لاعلى درجة ومن الممكن ان يدمر


11- اول لما بنجيب المروحة بيكون موضوع ليها بلاستيك حماية يجب نزعة

ملحوظة : المرواح الحديثة يختلف طريقة تركيبها عن الفيديو لكن نفس التكنيك
- بعد تركيب المروحة لابد من توصيل الكهربا لها من اللوحة الام مثل ما هو موضح فى الفيديو

13- قبل التشغيل تاكد من وضع كل شئ فى مكانة وان المروحة لا تتحرك او تهتز وثابتة ثبات مكتمل فى مكانه

14- يجب تنظيف البروسيسور من وقت إلى اخر


يا عم صدعنا فين الفيديو اخلص
الفيديو اهو اتفضلو


http://www.youtube.com/watch?v=prcd2wqIgVQ&feature=player_embedded




avatar
evergreen

الجنس : Female

عدد المساهمات : 1585
النقاط : 35764
التقييم : 34
تاريخ التسجيل : 2010-02-03

View user profile http://3loomi.4ulike.com

Back to top Go down

Re: دورة صيانة الكمبيوتر الجزء الاول / الجزء الاول (مبتدئين)

Post by evergreen on Thu Jul 08, 2010 2:12 am

--
النهاردة هنتلكم عن الرام
هنتكلم عن الرامات عامة
وظيفة الرامات
اجزاء الرام نفسها
وايه هو البن الموصل للارض والبن الموصل للفولت


معنى رام (RAM) معناها الذاكرة العشوائية RANdOM ACCESS MEMORY
يطلق عليها هذا الاسم لانها تخزن البينات بداخلها بطريقة عشوائية وبدون ترتيب
وظيفتها
هى المكان الذى يتوقف فيها البينات لحين الوصول الى المعالج
واقول انا عليها انا من وجهة نظرى خادمة البريسيسور

الاجزاء الاكترونية

رقائق اى شيب
وهذا الرقائق المسئولة عن تخزين البيانات لحين وصولها الى المعالج
انظر

دة شكل الخطوط الاين اسفل الرقائق وتوزيعها
انظر

المكثفات

المكثفات
وهى المسئولة عن عملية تنعيم التيار ولها اعطال كثير
اتكلم عنها فى اخر الموضوع فى شرح الاعطال

المقاومات الشباكية الموجود فى دائرة الرامات

I.C SOFT
السوفت
وهو المسئول عن قرائة البينات الخاصة بالرامات
وهو ايسى ذو 8 ارجل موجود دائما على يمين الرام
ويوجد جهاز ايضا يقوم بشحنة مثلة مثل بيوس الكمبيوتر والهارد وهو يشبه تماما بيوس الهارد

الخطوط النحاسية
اتكلم عن الخطوط النحاسية الموجودة اسفل الرامات التى تركب فى البنك
الموجود فى المازبورد
وهى الموجودة اسفل الرامات ويوجد منها بن ارضى واخر موصل
ويتميز البن الارضى بوجود وصله لدائره ترهاها اذا دققت فى البنات

ويتم تلامس هذه البنات ببنك الرام فى الماذر بورد

الاعطال وكيف يمكنى الصيانة
1- الرامات لاتقراء مع انى قومت بتجربتها لاكثر من بوردة
ماهى الاجزاء المتسببة فى ذالك وكيف يمكنى صيانتها
1- تنظيف الخطوط النحاسية تنظيف جيد
2- الكشف على المقاومات الشباكية لانها تعمل على اعاقة مرور التيار
3- الرقائق الكشف الظاهرى علية هل من حرق ام لا ويمكن تغيرها بس
هنا يشطرت الاتى بنفس السعة الرامات ونفس الباص ونفس عدد الشيبات الموجود على لوحة الرامات
4- ايسى السوفت ودة ايضا ممكن تغيرة من رامة مثلها او شحنة
2-الرامات تعمل رسترت
السبب مكثفات البف قم بتغيرها تنتهى المشكلة انشاء الله
بدائل المكثف
يمكن تغير المكثف من اى مكان بس هنا الشرط ان يتم تغير المكثف بنفس الشكل و الحجم ويتركب اى اتجاة ليس لهو قطبية
3-الرمات تعطى بيب رام
الاحتمال الكبير هنا المقومات الشباكية قم بقياسها وحدة وحدة او تغيرها
الاحتمال
الثانى هو الشيب الرقائق قم بتسخين بالكاوية على البن الخاص بالرقائق
بطريقة منتظمة وحدة وحدة الغرض من التسخين امتتداد الخطوط النحاسة
الموجودة داخل الشيب والالتساق بعضها بعض ممكن يكون فيه انقطع من الداخل
ونحن نعلم ان النحاس سريع التسخين والامتاد
وامنع وضع الهوت اير على الشيب الشغل بالكوية والالفونية عند التصاق احد الرجول بعضها ببعض
يتم تشفيطها بالشيلد النحاسى وهو مغموس بالالفونية

تركيب البن الخاص بالرامات




تركيب البين الخاص بالرامات
اولاً يتم تحديد ان كان البين ارضى ام موصله للدائرة وأحب ان اضيف شيئ قبل البدء
تتكون الرامات من مجموعة رقائق الغرض منها تخزين البيانات وتتكون هذا الرقائق من مجموعة
من الترنزيستورات وكل 2 ترنزيستور +مكثف يكون خالية والخالية لها مساحة معينة من التخذين
بمساحة البايت وان البين مش شرط ان يكون ارضى يكون موصل بيهم كلهم
فكل خلية مستقلة بنفسها
البن الارضى يتم تحديده فى المكان المقطوع ووضع القصدير عليه بعد ذلك احضار رامة تانية لاخذ منها بن
تقطع
البن المراد قلعة من عند الراس كما انا محدد علية بلاسهم الحمراء القطع
بالقطر ثم يتم التسخين عليها بالكاوية يتم الخلع معك بسهولة وبعد اذن يجب
عليك تحديد مكان الراس بقليل من القصدير فوق الراس
او على الخط ان كانت مش ارضى وقم بلحام على الراس او الخط
تم تثبت الراس ازن قوم بوضع قليل نسبة ضعيفة من الامير اسفل البن واضغط على البن لللالتساق بلامير

انواع الرامات
Sdram

ويتواجد
هذا النوع في الماذربور (PIII)وبعض الموديلات فى أوائل جيل المعالجات
(P4)التى كانت تدعم نظام ال (SD)و ال(DD)وهى أسرع من النوع الأول بكثير من
حيث السرعة وزمن الوصل
السعات المتوفة منها هى
32 ميجا
64 ميجا
128 ميجا
256 ميجا
ام بالنسبة بص (BUS)
يوجد منها كل من
66 ميجا هرتز
100 ميجا هرتز
133 ميجا هرتز وهنا هذا البص عندم نجيب رامة بص 133 ونضعها على بوردة قديمة تقراء معنا
64 ميجا لاختلاف الباص البوردة مع باص الرامة وممكن يحدث سخونة عالية فى الرامه


النوع الثانى
Rdram

هيرة باسم الارض رام
تتغذة هذا الرامة 3,5 فولت
تتولة
هذا الرامة قليل جدا فى السوق ولا يوجد منها جديد وتجدها فى اخلاب الاحيان
فى الاجهازة الاجنال وتكون على شكل رام تان لكن هى رامة واحد بس الرامة
والقفل كم يطلق علية يعتقدهة البعض انها رمتان
وتوجد فى الاجهزة p3 والاجهازة p4 الارجنال
السعات هى
128 ميجا هرتز
256 ميجا هر تز
النوع الثالث
Ddram

جد هذا النوع من أنواع الذاكرة فى الماذ بورد (P4) وهى طبعا أسرع من ال SDRAM من حيث السرعة(RAM BUS)
السعات
128 م
256 م
512 م
1 جيجا
البص BUS
266 (Mhz/s)
333 (Mhz/s)
400 (Mhz/s)
533 (DDR2).
667 (DDR2).
فى رامات انا متكلمتش عنها وهى DRAM لانها قديمة جدا ولا توجد غير الاجهازة القديمة وشبة اختفئها من السوق لعدم استخدمها
بالاضافة إلى الانواع الجديدة ddram2 . ddram3
avatar
evergreen

الجنس : Female

عدد المساهمات : 1585
النقاط : 35764
التقييم : 34
تاريخ التسجيل : 2010-02-03

View user profile http://3loomi.4ulike.com

Back to top Go down

Re: دورة صيانة الكمبيوتر الجزء الاول / الجزء الاول (مبتدئين)

Post by discovery on Thu Jan 19, 2012 4:29 am

مميز و مهم
بارك الله فيك و جزاك خيرا

____________________________________________________
avatar
discovery

الجنس : Male

عدد المساهمات : 1114
النقاط : 30172
التقييم : 12
تاريخ التسجيل : 2010-04-28

View user profile

Back to top Go down

Re: دورة صيانة الكمبيوتر الجزء الاول / الجزء الاول (مبتدئين)

Post by Sponsored content


Sponsored content


Back to top Go down

View previous topic View next topic Back to top


 
Permissions in this forum:
You cannot reply to topics in this forum