مصطلحات شامية

View previous topic View next topic Go down

مصطلحات شامية

Post by discovery on Wed Dec 19, 2012 1:30 am

مصطلحات شامية ...


دشرو : يعني حل عنو
ماني غضران : يعني لست بقادر وهي بالميداني
يو تشكلو آسي : تشكلو آسي ( بعيد الشر) يعني .......تعبير يفيد شدة حب المتكلم للمتكلم عنه
الواه الواه : تعبير نسائي يفيد التمسخر على شيء ما
معبّا ببنطرون : يعني واحد أجدب وجاية يحكي
ولا : أداة تستخدم في النهر والشتم
وخنان : مسبة موحلوة بس وضعتها للضرورة اللغوية
دشرني أي حل عني ...وحل عني يعني اتركني بحالي
ايدي بزنارك : تعبير يستخدم للتعبير عن الرجاء
دخيل الله: أيضا تعبير والمقصود به هو الاستغاثة بالله
شعر متل الشوشة : أي أن شعره منفوش ومنكوش
وضراب السخن : وهي ومسبة وتعني .....مابعرف بس مسبة وبنفس المعنى كلمة وضريب
يو الواه الواه : مفردة شهيرة جدا عند النساء وتفيد الأوية
كوكش: يعني يفتش
بحبش : أيضا مفردة تعني البحث مع التمحيص
ينمحئ . .. و يعني ينضرب على قامتو .. يسطفل
يتحورق . كمان متل يبعتلو حمى
يتقوص . بنفس المعنى
و في كمان كلمة : تتأمع (هيك شي) وهي مسبة
عود يقعد رزك . .. يعني خيلتنا حاجة تحوص . . المعنى الادق يقعد رزك يعني تموت
و الناس ياكلو رز . .. لانو لما حدى بيموت من العادات انو بتصير عزيمة و
بيطعمو الناس اوزي على روح الميت و الاوزي اكله معروفة بالشام
وين غاطط . يعني وينك مو مبين
و السبع تنعام . يعني النا الشرف
ما بيعرف الخمسه من الطمسه : عن الرجل اللي ما عندو ثقافه
سري مري :عاللي بيخفق برات البيت لسا رايح سري مري
عالحكي اللي بلا طعمه شروي غروي او شندي يندي
مجنط يعني مفلس و صفيان عالحديدة
فايت بالحيط يعني وضعو مخربط ومو على بعضو وبيقولو كمان عالبشعين هيك
طاقين فيوزاتو : يعني جانن وفي كمان مصيف و مأجر الطابق الفوئاني
مأنشح - كحته و بيحب الشحته -ايدو ماسكه على البخيييييييييييل
شاطط و ماطط . يعني مدلع زيادة
نعيان . .. يعني هيك قلبو بارد
وفي سهيان : يعني نعسان ونايط
نايط = نعيان = بارد
شاضومه ... يعني [You must be registered and logged in to see this link.] مجلوئة . .يعني كيف بدي الكن .. قليله ادب و مصبينه
شرنة : يعني فوضوية ووسخة
وخمة = وسخة
شحاطة . .. ما انشرحت معي ....مايلبسه المرء في قدمه عندما يكون في المنزل
مسرسبة : يعني بتحب النظافة كتير
اسيييييييييع - اوعى الزيت بمعنى ممكن تاخد طريق
اغيييييييييي هي للابضايات وبس
تاكلك الدودة العميا ,يبعتلو اتلو شو سمج
الدودة العميا هي دودة القبر .. يعني الواحد ي موت و ياكله الدود بعيد الشر
و يبعتلو اتلو .. كمان يعني يموت و سمج يعني غليظ
سري مري . . يعني رايح جايه
موسوس يعني مهووس بشغله
و في كمان .. عقلو جوزتين بخرج . . يعني عقله صغير
متل الاطرش بالزفة . .. يعني مالو علاقة بالموضوع
حاج تحوص يعني حاج تفتل و تدور
شوية رخار = بعد شوي
[You must be registered and logged in to see this link.] عمي = يعني مرتو وطبعا والعكس
مأنزع : يعني شايف حالو ورافع مناخيرو للسما
ألعلي : يعني ألي عقلي
لئوي : يعني شوي شوي
عم لوب : يعني عم دور ........ عم ابحث
بوش : يعني عالفاضي
شنو : بتجي بمعنى لأن
حباكل حببشرب حبروح......كلمة حب بتجي بمعنى التسويف سوف افعل كذا
شيت : تستخدم للملكية بمعنى تبع
جبللة : يعني سئيل ودم بيتقطع بالسكاكين
يئبشني : هي دعوة متل تأبرني بس معناها انو الواحد لما بيموت بيلفو متل السكرة يا لطيف ايه وهي اللفة من كل طرف اسمها أبشة
سنكوحة : يعني نحيفة (جلدة وعضمة )
سرنوة : هي مسبة بس لحد هلق ماعم اعرف شو المعنى الحرفي الها
مجولئة : يعني حلئها عريض وبتمط بالحكي
كتار غلبة : يعني حشري وبيدس انفو بكل شي
لتات = كرار او غرار = بيلعي = علاك = ثرثار
عم يترغل انكليزي يعني بيحكي منيح هاللغة





مصطلحات سورية .. 100%
شو بدك بطول القصة ;... جملة محشورة داخل قصة يزيد عدد كلماتها عن
100000000 كلمة


____________________________________________________

discovery

الجنس : Male

عدد المساهمات : 1113
النقاط : 27249
التقييم : 12
تاريخ التسجيل : 2010-04-28

View user profile

Back to top Go down

Re: مصطلحات شامية

Post by discovery on Wed Dec 19, 2012 1:31 am

بدك الصحيح وإلا ابن عمه ;... مقدمة لكذبة من الحجم العائلي





وما شفنالك الا; ... موسيقى تصويرية قوتها 7.9 على مقياس ريختر
لقصة سخيفة





صلي على النبي ;... استراحة لكثير الكلام ليبلع ريقه





وما كذبت خبر ;... عبارة لنفش العضلات وبداية لكذبة ورسم بطولات
ما حصلت الا بالخيال







انت لسه ما بتعرفني ;... تقال عندما يشعر المتكلم انه تبهدل و انمسحت بكرامته الأرض






نشفت دمي; ... تقال للذي يطلب كل دقيقة إعادة نفس الجملة بطريقة
مختلفة








الله يستر على خلقه ;... تقال بعد نهاية كل قصة تم فيها نشر غسيل
جميع [You must be registered and logged in to see this link.] الحارة و صديقات [You must be registered and logged in to see this link.] الحارة






أتمنيتك تكون معنا أو اشتهيناك تكون معنا; ... تقال لحرق أعصاب
المستمع وإذلال شعوره




أنا والله مو فارئة معي‎
تدل على اهتمام المتكلم حتى الموت بالموضوع‎

سيدي ما علينا‎
نهاية الحديث البايخ الذي كان يتكلم فيه على غيره بما لا يخصه‎

عيّن خير‎
بعبارة أخرى ....انسى الموضوع‎

والله لو عرفان ما كنت تركتك‎
عبارة لتسفئو منّيّة ببلاش فوء الكمّ اللي أكلو‎




تقبرني .. من شدة المبالغة من القبر

تشكل آسي .. أي تضع تبات الآس على قبري عندما أموت

تقبش عظامي .. بنفس معنا تقبرني

كربوج .. لطيف و ودود

مهضوم .. خفيف الدم

ورقة .. ليرة (( العملة السورية ))

ليش .. لماذا

شلونك .. كيفك

شو .. ماذا

شبك .. ما بك

بدي .. أريد

هادا .. هذا

أجدب .. أحمق

طاقين فيوزاته .. مجنون

يللا .. هيا

أبضاي .. قوي و شهم

زكاتك .. لو سمحت

أديش .. كم

يسلمو .. شكرا

بوسة .. قبلة

منيح .. جيد

لعمى .. تقال من الدهشة و هي تخفيفا لكلمة : لعمش

فوت .. ادخل

اجى .. جاء

لازم .. يجب

زفت .. سيء جدا

خراس .. اخرس

سد حلقك .. اسكت نهائيا و هي ثقيلة و الأخف : سكوت

على أبو موزة .. دليل العشوائية و عدم التركيز

أبو أربع [You must be registered and logged in to see this link.] .. للذي يلبس النظارة

حليق ، قحط .. اذهب

ببو .. طفل رضيع

حرامي .. لص ، سارق

زلمة .. رجل

دبدوب .. سمين أو لديه كرش

تمسيح جوخ .. مدح شخص للغاية

شحو ، ليكو .. هو ظاهر أمامك

فز .. انهض

باطل .. عيب أو عار

خاطرك .. مع السلامة

يعدمني ياك .. الله ياخدك

اضوي .. نفس قحط ، حليق

يو الواه الواه .. مفردة شهيرة جدا جدا عند النساء و الله ما عم أعرف اشرح معناتا مع إنو بعرف إيمت بتنقال

و السبع تنعام .. لنا الشرف

____________________________________________________

discovery

الجنس : Male

عدد المساهمات : 1113
النقاط : 27249
التقييم : 12
تاريخ التسجيل : 2010-04-28

View user profile

Back to top Go down

Re: مصطلحات شامية

Post by discovery on Wed Dec 19, 2012 1:39 am

و المصطلحات الحموية أي من محافطة حماه ..

لك شو يا خيوه .. ماذا تريد

وينك .. أداة نداء

أعطني جبسية .. أعطني بطيخة

شرابة .. قطعة سكر أو بونبونة

أرواح .. إذهب معي

سنفور .. سرفيس

طوشة .. [You must be registered and logged in to see this link.] أو معركة

أزوط .. أنحراف في العين (( أحول ))

تلقح .. استلقي

طواية .. صحن معدني يقلى به (( مقلاة ))

باطرش .. متبل فوقه اللحمة و البندورة

دفعو صواب بالشنتيانة جاب أجلو .. أي ضربه ضربا مبرحا بالسلاح الأبيض


أما اللهجة اللاذقانية .. أي من محافطة اللاذقية

عين ( الياء مشددة ) .. انظر

ريحة .. بارفان

خفافة .. حذاء للرياضة

السيبا .. السلم

العمىىىىىىىىىى .. تقال في حالة الصدمة الشديدة و غالبا شيء ما كويس

جلموء .. مصلحجي

معلاء .. بيتدخل بكل شي

بالورب .. بالمايل

آآآآآآآ (( مد لازم 12 حركة و فتح الفم ) .. للتعجب و الإستفهام

شفاتير .. شفايف

شحاري ، إيا عزاااااااااة .. للتعجب الكثير

وا قرود .. لتعجب

وا قرود الأرض .. للتعجب الكثير

كلاكيش .. أغراض

عمشة .. وسخة

دربكو ، دعتروا .. أوقعه أرضا

زنزوءة .. مرجوحة

خروء .. ضعيف

____________________________________________________

discovery

الجنس : Male

عدد المساهمات : 1113
النقاط : 27249
التقييم : 12
تاريخ التسجيل : 2010-04-28

View user profile

Back to top Go down

Re: مصطلحات شامية

Post by Sponsored content Today at 4:12 am


Sponsored content


Back to top Go down

View previous topic View next topic Back to top


 
Permissions in this forum:
You cannot reply to topics in this forum